Anchelotti yozda “Real” hujum chizig‘ini kimlar bilan gullatmoqchi?
Sport
−
27 may 2023 8804
Ispaniyaning “Real Madrid” futbol klubi bosh murabbiyi Karlo Anchelotti yozda jamoaga qaysi hujumchilarni jalb qilmoqchi ekanligini ma’lum qildi.
Anchelotti “Espanol” hujumchisi Xose Luis, “Atletiko Madrid” sardori Alvaro Morata shuningdek, “Selta” klubi va Ispaniya terma jamoasi hujumchisi Yago Aspaslarga qiziqishi yuqoriligini ma’lum qildi.
“Xoselu menga juda yoqadi, Aspas va Morataning o‘yini ham ma’qul. Men gol urishni yaxshi ko‘radigan futbolchilarni hurmat qilaman. Biz bu transferlar borasida ishlayapmiz. Boshqa kimlarni nishonga olganimizni ayta olmayman”, deydi Anchelotti.
Eslatib o‘tamiz, avvalroq “qirollik klubi” “Borussiya Dortmund” yarim himoyachisi Jud Bellingem bilan 6 yillik shartnoma imzolagani haqida xabar qilingandi. Futbolchining transferi “qaymoqranglilar”ga 100 million yevroga tushdi.
