Alyaskada g‘oyib bo‘lgan samolyot topildi

Kecha, 7 fevral kuni AQSHning Alyaska shtatida Bering Air aviakompaniyasining yo‘qolgan samolyoti Nom shahriga uchayotganda halokatga uchragan. Samolyot bortidagi 10 kishining barchasi halok bo‘lgan. Bu haqda mahalliy hokimiyatga tayanib, “Associated Press” xabar berdi.

Alyaska Qirg‘oq qo‘mitasi leytenanti Benjamin Makintayr-Koblga ko‘ra, samolyot bilan kutilmaganda balandlik va tezlikni yo‘qotishga olib kelgan hodisa yuz bergan. Samolyotdan avariya signali olinmagan.

Qayd etilishicha, mazkur reys odatiy ishga borish reysi bo‘lib, barcha yo‘lovchilar katta yoshdagilar bo‘lgan. Alyaskada landshaft va cheklangan infratuzilma tufayli samolyotlar asosiy transport turi hisoblanadi. Bu halokat so‘nggi 25 yil ichida shtatdagi eng halokatli voqealardan biri sifatida qayd etilgan.

Eslatib o‘tamiz, avvalroq Cessna 208 Caravan samolyotining radarlardan yo‘qolib qolgani haqida xabar berilgandi. Samolyot bilan aloqa taxminan uchishdan 40 daqiqa o‘tib uzilgan, shu payt u Norton Sound ko‘rfazining ustida uchib borayotgan bo‘lgan.