“Al-Ittihod” Son Xyon Min uchun yaxshigina taklif berdi
Sport
−
20 iyun 2023 4214
Londonning “Tottenxem” klubida to‘p surayotgan koreyalik hujumchi Son Xyon Minga Arabistonning “Al-Ittihod” klubidan katta taklif tushdi. Bu haqda ESPN xabar berdi.
Manbaga ko‘ra, saudiyaliklar futbolchiga to‘rt mavsum davomida yiliga 30 million yevro haq to‘lash taklifini bergan.
Mavsum avvalida o‘z tarkibini yulduz futbolchilar bilan to‘ldirishni boshlagan “Al-Ittihod” fransiyalik hujumchi Karim Benzemani safiga qo‘shib oldi.
Shuningdek, “Chelsi” yarim himoyachisi N'Golo Kante ham arablar klubiga o‘tish arafasida turibdi.
Ma’lumot uchun, sakkiz yildan buyon “Tottenxem”da o‘ynayotgan Son Xyon Min 2022/2023 yilgi mavsumida “shporlar” safida 36 ta o‘yinda maydonga tushib, 10 ta gol urdi va 6 ta golli uzatmani amalga oshirdi.
Muhsinjon Umurzoqov
