“Al-Ittihod” 30 mln yevrolik transferni e’lon qildi
Sport
−
04 iyul 2023 5462
“Seltik” klubining portugaliyalik hujumchisi Jota Saudiya Arabistonining “Al-Ittihod” jamoasiga o‘tdi. Bu haqda Saudiya klubi Matbuot xizmati xabar berdi.
Manbaga ko‘ra, transfer summasi 30 million yevroni tashkil qiladi. Futbolchining Saudiya garandi bilan shartnomasi 2026 yilning iyun oyi oxirigacha amal qiladi.
Shuningdek, “Transfermarkt” internet portalida, futbolchining taxminiy narxi 13 million yevro deb belgilangan.
Ma’lumot uchun, Shotlandiya klubi bilan eski shartnomasi 2027 yilning iyun oyi oxirigacha bo‘lgan Jota 2022/2023 yilgi mavsumda “Seltik” safida barcha musobaqalarda 43 ta o‘yinda maydonga tushib, 15 ta gol va 12 ta golli uzatmaga mualliflik qilgan.
