AQSHning sobiq vitse-prezidenti vafot etdi
Olam
−
20 aprel 2021 4562
AQSHning sobiq vitse-prezidenti Uolter Mondeyl vafot etdi. Bu haqda "Axios" xabar bergan.
Mondeyl AQSHning 39-Prezidenti Jimmi Karter ma’muriyatida vitse-prezident bo‘lgan.
U 93 yoshida yorug‘ olamni tark etdi. Siyosatchining o‘limi sababi aytilmagan.
Portalning ta’kidlashicha, Mondeyl AQSHda vitse-prezidentning rolini "o‘zgartira olgan". U Prezident Karterning muhim uchrashuvlarida qatnashgan va tashqi siyosatda faol rol o‘ynagan.
Mondeyl AQSH Demokratik partiyasining a’zosi bo‘lgan.
U 1977 yildan 1981 yilgacha vitse-prezident sifatida faoliyat olib borgan.
1984 yilda u Demokratik partiyadan prezidentlikka nomzod sifatida ko‘rsatilgan, ammo saylovda Ronald Reyganga yutqazgan.
Mondeyl 1993 yildan 1996 yilgacha AQSHning Yaponiyadagi elchisi bo‘lgan.
Live
Barchasi07 noyabr 2023
07 noyabr 2023
07 noyabr 2023
