AQSHda o‘zga sayyoraliklar mavjudligini tasdiqlovchi dalil topilmadi

Pentagon o‘zga sayyoraliklar mavjudligi va AQSH hukumatining ular bilan o‘zaro aloqasi haqida hech qanday dalil topmadi. Bu haqda “The New York Times” xabar berdi. 

Kongress nomidan tayyorlangan 63 sahifalik hisobotda aytilishicha, 1960 yillardan beri odamlar Amerika razvedka samolyotlari va dronlarini o‘zga sayyoraliklar yoki noma’lum anomal hodisalar uchun sinovdan o‘tkazishda xato qilishgan.

Pentagon matbuot kotibi Patrik Rayderga ko‘ra, rasmiylar hisobotga ochiq fikr bilan munosabatda bo‘lgan, lekin shunchaki o‘zga sayyoraliklar va maxfiy hukumat dasturlari mavjudligiga dalil topa olmagan.

"Barcha tasniflash darajalarida olib borilgan tergov harakatlari shuni ko‘rsatdiki, ko‘rishlarning aksariyati umumiy ob’ektlar, hodisalar va noto‘g‘ri identifikatsiya natijasidir", deydi Rayder.

Eslatib o‘tamiz, o‘tgan yili AQSH razvedka xizmatining sobiq xodimi Devid Grash Kongressdagi tinglovda AQSH o‘nlab yillar davomida yerdan tashqaridagi hayot shakllari hamda texnologiyalarini aniqlash va o‘rganish bo‘yicha o‘ta maxfiy dasturlarni yashirib kelgan bo‘lishi mumkinligini aytgandi. 

Uning so‘zlariga ko‘ra, Amerika rasmiylarida nafaqat o‘zga sayyoralik kosmik kemalarning vayronalari, balki o‘zga sayyoraliklarning qoldiqlari ham bor.