AQSHda talabalar Isroilga qarshi oyoqqa turdi (fotoreportaj)
Olam
−
27 aprel 7404
AQSHda universitet rahbariyatining bosimi va hibsga olishlarga qaramay, Isroilning G‘azodagi harakatlariga qarshi namoyishni to‘xtatishdan bosh tortgan Kolumbiya universiteti talabalarining norozilik namoyishlari butun mamlakat bo‘ylab tarqaldi. Turli kollejlar talabalari ham shunday namoyishlar uyushtirmoqda.
25 aprel kuni Nyu-Jersidagi Prinston universiteti talabalari norozilik lagerini tashkil qila boshlaganda, oxirgi voqealardan birida politsiya aralashdi. Garvard universiteti, Tafts universiteti va Massachusets texnologiya instituti talabalari ham shunday lagerlar tashkil qilgan.
Vashingtonda yuzlab namoyishchilar Jorj Vashington universiteti oldida yig‘ilib, universitetlarni Isroil bilan aloqasi bo‘lgan kompaniyalarga sarmoya kiritishdan voz kechishga va falastinliklarni qo‘llab-quvvatlagan talabalarga nisbatan intizomiy ayblovlarni olib tashlashga chaqirishdi.
Namoyishni Jorj Vashington universiteti, Jorjtaun universiteti va mintaqadagi boshqa ta’lim muassasalari talabalari tashkil qilgan. O‘tgan haftada politsiya 100 dan ortiq talabani hibsga olgandi.
Live
Barchasi
