AQSHda Rossiya Baydenni hurmat qilishi uchun kutilmagan usul taklif qilindi 

Amerika rasmiylari Eronga yadroviy kelishuv bo‘yicha bosim o‘tkazishi kerak, shunda Rossiya va Xitoy Prezident Jo Baydenni jiddiy qabul qila boshlaydi. Bu haqda kichik Jorj Bushning sobiq nutq yozuvchisi Uilyam Makgern “The Wall Street Journal”da e’lon qilgan.  

“Baydenda nafaqat Tehronda yadroviy bomba paydo bo‘lishining oldini olish, balki Rossiya Prezidenti Vladimir Putin va Xitoy rahbari Si Szinpinni xalqaro maydonda chora ko‘rishdan oldin ikki marta o‘ylashga majbur qilish uchun ajoyib imkoniyat bor”, degan muallif. 

Uning fikricha, hozircha Oq uyning ritorikasi Pekin yoki Moskvani tanlagan tashqi siyosat kursisidan chetga chiqishga ishontira olmadi, bu esa Baydenning dunyo yetakchilari orasida obro‘si yo‘qligidan dalolat beradi. Shunday qilib, Makgern Tel-Aviv Erondagi strategik ob’ektlarga, xususan, neft omborlariga hujum qilishi uchun Isroilni qo‘shimcha qurollar bilan ta’minlashni taklif qilmoqda. 

Ma’lumot o‘rnida, Vladimir Putin va Jo Bayden 31 dekabrga o‘tar kechasi telefon orqali muloqot qildi. Kremlga ko‘ra, Oq uy rahbari Ukraina bilan bog‘liq vaziyat yuzasidan “keng ko‘lamli sanksiyalar” bilan tahdid qilgan. Rossiya rahbari bunga javoban bu katta xato bo‘lishini, bu holda munosabatlarda to‘liq tanaffus bo‘lishi mumkinligini aytgan.