AQSHda defolt tufayli armiya xarajatlari qisqarishi mumkin – WSJ

AQSHda mudofaa va armiyaga sarflanadigan xarajatlar Prezident Jo Baydenning davlat qarzi to‘g‘risidagi qaroridan keyin kamaytirilishi mumkin. Bu haqda “The Wall Street Journal” xabar berdi.

Ma’lumki, AQSHning harbiy xarajatlari 1990 yillar oxirida Sovuq urushdan keyingi tinchlik dividendlarining eng yuqori cho‘qqisiga chiqqan. Mazkur kelishuv esa harbiy xarajatlar birinchi marta iqtisodiyotning 3 foizidan pastga tushishi mumkinligini anglatadi. 

Ta’kidlanishicha, Amerikadagi flot hajmi 2025 yilga borib 286 ta kemaga qisqartiriladi, Xitoy esa, aksincha, “Tayvanni bo‘ysundirish” uchun mo‘ljallangan flotni qurmoqda.

Maqolada ko‘rinib turibdiki, AQSH Kongressi so‘nggi bir necha yil ichida Baydenning iltimosiga binoan mudofaa va mudofaa uchun o‘nlab milliard dollar sarflagan. Senator Tom Kotton Amerika 2011 yilda olib borgan “sekvestr” (xarajatlarni qisqartirish) siyosatiga qaytishi va buning natijasida o‘z mudofaasini barbod qilishi mumkinligini tan oldi.

“Hozirda kuchsiz armiyaga ega AQSH kutilmagan vaziyatlarda, masalan, Ukrainadagi mojaroda boshqa davlatlarga qurol-yarog‘ni to‘liq hajmda yuborishga tayyor bo‘la olmaydi”, deya qayd etilgan maqolada.

Eslatib o‘tamiz, avvalroq AQSH defolt ostida qolishi mumkinligi, bunga javoban Prezident Jo Bayden Kongressning Vakillar palatasi spikeri Kevin Makkartini davlat qarzi bo‘yicha defoltning oldini olishga chaqirgandi. Bir necha hafta davom etgan keskin muzokaralardan so‘ng, Bayden va Vakillar palatasida respublikachilar davlat qarzining chegarasini oshirish va xarajatlarni cheklash bo‘yicha kelishuvga erishgandi. Keyinroq davlat rahbari 5 iyungacha suveren defoltning oldini oluvchi qonun loyihasi Kongress tomonidan ma’qullanishini kutayotgani ma’lum qilingandi.