AQSH Markaziy Osiyo davlatlariga dezinformatsiyaga qarshi kurashda yordam bermoqchi

AQSH Xalqaro taraqqiyot agentligi (USAID) Markaziy Osiyo jamiyatlarining dezinformatsiyaga chidamliligini oshirishga qaratilgan besh yillik dastur uchun 12 million dollar ajratishga tayyor. Bu haqda agentlik tomonidan imzolangan hujjatda keltirilgan.

Hujjatga ko‘ra, bu mintaqa davlatlarining suvereniteti va demokratik madaniyatini mustahkamlash uchun zarur. Bunday tezislar USAID vakillari tomonidan tayyorlangan grantda mavjud.

Qayd etilishicha, Markaziy Osiyoda yangi tashabbusning maqsadiga mediasavodxonlik darajasini oshirish, dezinformatsiya va yolg‘on hikoyalarga qarshi kurashish kiradi.

“Ushbu tadbirlar majmuasi, shuningdek, xalqaro, mintaqaviy, mahalliy va siyosiy, ijtimoiy-iqtisodiy masalalar bo‘yicha sifatli hisobot tayyorlash uchun mintaqadagi mustaqil ommaviy axborot vositalarining texnik ko‘nikmalari va bilimlarini oshirishga qaratilgan rag‘batlantiruvchi yordam beradi”, deyiladi matnda.

Bildirilishicha, loyiha doirasidagi tadbirlar asosan Qozog‘iston, Tojikiston va O‘zbekistonga qaratilgan. Biroq umuman olganda, mexanizm Markaziy Osiyoning barcha beshta davlati uchun mavjud bo‘ladi.

Tashabbusning amal qilish muddati besh yil.