AQSH Belarusga qarshi sanksiyalar kiritadi

Kecha, 21 dekabr kuni AQSH Vakillar palatasi Belarus Demokratiyasi, inson huquqlari va suverenitet to‘g‘risidagi qonunni ma’qulladi, unda Rossiya va Belarus rasmiylariga qarshi sanksiyalar qo‘llanilishi mumkin. Bu haqda hujjat muallifining matbuot kotibi, respublikachi kongressmen Kristofer Smit Jeff Sagnil ma’lum qildi.

Qonunchilik palatasining quyi palatasi ushbu tashabbusni 18 noyabrda qabul qilgan edi, ammo u endi 2021 yil uchun byudjet loyihasiga kiritilgan. Yaqinda Kongress Senati tomonidan qonunning qabul qilinishi kutilmoqda, shundan so‘ng uni AQSH Prezidenti Donald Tramp imzolashi kerak bo‘ladi.

“Ushbu ikki partiyaviy qonun loyihasi demokratiyaga to‘sqinlik qilgan Belarus Hukumati amaldorlariga qarshi sanksiyalarni yangilaydi”, deyiladi Smit bayonotida.

Hujjat izohida ta’kidlanishicha, bu Respublikada 2020 yilda bo‘lib o‘tadigan saylovlar bilan bog‘liq holda AQSH Prezidentining sanksiyalarni kiritish vakolatlarini kengaytiradi.

“AQSH Prezidenti Belarus Markaziy saylov komissiyasining a’zosi bo‘lgan yoki saylovni manipulyatsiya qilishda ishtirok etgan har qanday chet elliklarga yoki mustaqil ommaviy axborot vositalarini ta’qib qilishda qatnashgan hukumat vakili va ta’qibda muhim rol o‘ynagan Rossiya fuqarosiga qarshi viza sanksiyalarini joriy qilishi mumkin”, deyiladi xabarda.

Qo‘shma Shtatlar, qonun loyihasiga ko‘ra, amaldagi Prezident Aleksandr Lukashenkoni Belarusning qonuniy ravishda saylangan rahbari, deb tan olmaydi. Unda yangi Prezident va parlament saylovlarini YeXHT me’yorlariga muvofiq ravishda erkin va adolatli tarzda o‘tkazish, shuningdek barcha siyosiy mahbuslarni hech qanday shartlarsiz ozod qilish talab qilinadi.