Afg‘onistondagi portlashda “Tolibon” a’zosi halok bo‘lgani aytilmoqda
Olam
−
25 Sentabr 2021 7616
Afg‘oniston sharqidagi Nangarxor viloyati markazi Jalolobod shahrida sodir bo‘lgan portlash oqibatida kamida ikki kishi halok bo‘ldi, olti kishi yaralandi. Bu haqda mahalliy “Pajhwok” agentligi xabar berdi.
Ta’kidlanishicha, ma’muriy bino yaqinidagi gavjum ko‘chalardan birida portlovchi qurilma ishga tushgan. Portlash Nangarxor gubernatori idorasi yaqinida sodir bo‘lgan. O‘lganlar va yaradorlar orasida mamlakatda hokimiyatni qo‘lga olgan “Tolibon” harakati jangarilari bor.
Bu so‘nggi yillarda viloyatdagi birinchi bunday hodisa emas. Nangarxordagi portlashlar va qurolli hujumlar oqibatida shu hafta kamida o‘n kishi halok bo‘lgan.
Qayd etilishicha, ayni paytda “Tolibon” vakillari ISHID bo‘lagi bo‘lgan jinoyatchilarni qo‘lga olish uchun mintaqada operativ choralar ko‘rmoqda.
Live
Barchasi07 noyabr 2023
07 noyabr 2023
07 noyabr 2023
