Abdusattorov xalqaro turnirdagi ishtirokini boshladi
Sport
−
17 fevral 2023 3987
Joriy yilning 16 fevral kuni Germaniyaning Dyusseldorf shahrida shaxmat bo‘yicha nufuzli “WR Chess Masters” turniri start oldi. Musobaqa ishtirok etayotgan o‘zbekistonlik grossmeyster Nodirbek Abdusattorov ilk turda rossiyalik Yan Nepomnyashiyga qarshi dona surdi.
Jahon reytingida 2-o‘rinni egallab turgan Nepomnyashiyga qarshi qora donalarda harakat qilgan Nodirbek yakunda durangga imzo chekdi.
1-tur doirasida Niderlandiya vakili Anish Giri hamda hindistonlik Gukesh Dommaradju o‘rtasidagi bahs ham shaxmat ixlosmandlari diqqat markazida bo‘ldi. Bu o‘yin yakunida ham tomonlar murosa yo‘lini tanladi.
Bugun, 17 fevral kuni musobaqaning 2-tur o‘yinlari boshlanadi. Abdusattorov bu turda yana bir rossiyalik shaxmatchi Andrey Yesipenkoga qarshi oq donalarda o‘ynaydi.
Live
Barchasi
