Abbosbek Fayzullayev RPL ramziy jamoasiga kiritildi
Sport
−
15 aprel 4408
O‘zbekiston milliy terma jamoasi va Moskvaning SSKA klubi a’zosi Abbosbek Fayzullayev Rossiya Premer Ligasining 24-turida yorqin o‘yin ko‘rsatgan futbolchilardan iborat ramziy terma jamoadan o‘rin oldi. Bu haqda “WhoScored” portali xabar berdi.
Chempionatning oxirgi turida “Lokomotiv”ga qarshi o‘yinda “armiyachilar”ning bitta goliga assistentlik qilgan Fayzullayevning Moskva derbisidagi o‘yini 8,1 ballga baholandi.
E’tiborlisi, tur ramziy terma jamoasiga SSKAdan faqat o‘zbekistonlik futbolchi kiritilgan. Shuningdek, Moskva derbisida qatnashgan “Lokomotiv” a’zolari Ilya Lantratov va Maksim Glushenkov ham ramziy jamoadan joy oldi.
Ma’lumot uchun, Rossiya chempionatining ortda qolgan 23 ta turidan keyin 37 ochko bilan 4-o‘rinda bormoqda. Kuchli uchlikni “Zenit”, “Krasnodar” va “Dinamo” jamoalari band etgan.
Live
BarchasiMedvedev Xitoyga bordi.
10:15
