2030 yilda Qozog‘istonda urush bo‘ladi – deputat

Qozog‘iston parlamenti deputati Ermurat Bapi Qozog‘istonning uch yillik byudjeti loyihasi taqdimotida 2030 yildagi urush xavfini e’lon qildi. Bu haqda “Orda.kz” xabar berdi.

“Byudjet taqchilligi sharoitida, geosiyosiy xavflarni hisobga olgan holda, siz mudofaa xarajatlarini ko‘rsatdingiz, Ukrainada sodir bo‘layotgan voqealar bilan solishtirganda, ajratilgan mablag‘lar juda kam. Mudofaa vazirligi, siz xavfsizlik uchun javobgarsiz. 2030 yilda urush bo‘ladi – bunday xavf mavjud. Hatto mudofaa vazirligida ham shunday prognozlar bor. Jahon ekspertlarining fikrlarini hisobga olish kerak. Bunday vaziyatda YAIMning 0,44 foizi mudofaa uchun? Bu nimani anglatadi? Bu hisob-kitoblar qayerdan kelib chiqadi? Bu masalalarni ko‘tarishimiz kerak”, degan deputat.

Unga Mudofaa vaziri o‘rinbosari Asker Beysenov javob berdi. Beysenovga ko‘ra, 2025 yilgacha mamlakat mudofaasi uchun yalpi ichki mahsulotning 0,68 foizi ajratilgan.

Eslatib o‘tamiz, avvalroq qozog‘istonlik deputat Maharram Maharramov parlament yig‘ilishida mamlakatdagi ayrim jinoyatlar uchun jinoiy javobgarlik yoshini 14 yoshdan 12 yoshgacha qisqartirish zarurligini bildirgandi.