2024 yilning eng yaxshi to‘purariga da’vogarlar soni oshmoqda

Shvetsiya terma jamoasi va “Sporting” klubi hujumchisi Viktor Gokereshning xizmatlariga “Manchester Yunayted”, “Barselona” va “Manchester Siti” klublari qiziqmoqda. Bu haqda jurnalist Florian Plettenberg o‘zining X sahifasida ma’lum qildi.

Plettenbergninng so‘zlariga ko‘ra, hujumchinining qishda “Sporting”ni tark etishi hozircha istisno qilingan, biroq barcha belgilar Gokereshning yozgi transferlar oynasida klubini o‘zgartirishiga ishora qilmoqda.

Shvetsiya terma jamoasi forvardiga “Manchester Yunayted”, “Barselona”, “Manchester Siti” qiziqish bildirmoqda. Shuningdek, “Real” va “Bavariya” ham vaziyatni kuzatib boryapti.

26 yoshli futbolchi lissabonliklar safiga 2023 yilda kelib qo‘shilgan va uning amaldagi shartnomasi 2028 yilning yozigacha mo‘ljallangan. Viktor joriy mavsum klub tarkibida barcha musobaqalarda 28 ta o‘yinda maydonga tushib, 30 ta gol urdi va 6 ta golga assist amalga oshirdi. Viktorning narxi “Transfermarkt” portalida 75 million yevro etib belgilangan. Gokeresh 2024 yil davomida 62 ta gol urib, bir kalendar yilida eng ko‘p gol urgan futbolchiga aylandi.