20 davlat fuqarolari O‘zbekistonga vizasiz kirishi mumkin bo‘ladi

O‘zbekiston Respublikasi Prezidenti “O‘zbekiston Respublikasida turizm sohasini rivojlantirishga doir chora-tadbirlar to‘g‘risida”gi farmonni imzoladi.

Farmondan maqsad – turizm sohasida amalga oshirayotgan islohotlarning samaradorligini oshirish, turistik infratuzilma bilan bog‘liq muammolarni hal qilish orqali respublikaga kelayotgan xorij fuqarolari oqimini ko‘paytirish, xizmatlar sifatini oshirish va jahon bozorida milliy turistik mahsulotlarni targ‘ib qilish, turizm sohasi kadrlar salohiyatini kuchaytirish hamda 2019-2025 yillarda turizmni rivojlantirish konsepsiyasini amalga tatbiq qilish.

Yangi farmonga muvofiq, 2020 yilning 1 yanvaridan yana 20 davlat fuqarolari uchun 30 kun muddatga vizasiz rejim yo‘lga qo‘yiladi. Quyida ularning ro‘yxatini keltirib o‘tamiz: 

1. Antigua va Barbuda 

2. Barbados 

3. Beliz 

4. Grenada 

5. Dominikan Respublikasi 

6. Meksika Qo‘shma Shtatlari 

7. Gvatemala Respublikasi 

8. Gonduras Respublikasi 

9. Kosta-Rika Respublikasi 

10. Kuba Respublikasi 

11. Nikaragua Respublikasi 

12. Panama Respublikasi 

13. Trinidad va Tobago Respublikasi 

14. El-Salvador Respublikasi 

15. Sent-Vinsent va Grenadin 

16. Sent-Lyusiya 

17. Bagamskix Orollari Hamdo‘stligi 

18. Dominika Hamdo‘stligi 

19. Sent-Kits va Nevis Federatsiyasi 

20. Yamayka