1 fevraldan Toshkent – Andijon yo‘nalishidagi poyezdlarning jo‘nash va qabul qilish manzili o‘zgaradi
Jamiyat
−
26 yanvar 2021 5605
Joriy yilning 1 fevralidan boshlab, Toshkent – Andijon – Toshkent yo‘nalishida harakatlanayotgan 60/59-sonli yo‘lovchi poyezdlarining jo‘nash va qabul qilish manziliga o‘zgarish kiritildi. Bu haqda “O‘ztemiryo‘lyo‘lovchi” AJ xabar berdi.
Xususan, mazkur sanadan boshlab, Toshkent – Andijon yo‘nalishida harakatlanayotgan 60-sonli yo‘lovchi poyezdi Toshkent markaziy (Shimoliy) vokzalidan harakatini boshlaydi, shuningdek, Andijon – Toshkent yo‘nalishida harakatlayotgan 59-sonli yo‘lovchi poyezdi Toshkent markaziy vokzaliga qabul qilinadi.
Qo‘shimcha ma’lumotni Toshkent shahridagi 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olishingiz mumkin.
