BP Prezident ajratgan pullarning aholiga tarqatilishidagi muammolarga munosabat bildirdi

Ijtimoiy tarmoqlarda O‘zbekiston Prezidentining farmoni bilan yordamga muhtoj aholiga tarqatish uchun ajratilgan pullarning aholiga yetib borishida muammolar bo‘layotgani haqida xabarlar tarqaldi.

Bosh prokuratura bu masala yuzasidan rasmiy bayonot berdi. Unda farmon ijrosini to‘laqonli ta’minlash maqsadida maxsus shtab tuzilgani ma’lum qilindi. Maxsus shtab bajariladigan aniq tadbirlarni belgilab, hududiy prokurorlarga alohida topshiriqlar yuborgan.

Bosh prokuratura matbuot xizmati xabariga ko‘ra, prokuratura organlari tomonidan bu borada amalga oshirilayotgan ishlar, shu jumladan belgilangan pul mablag‘larining to‘liq va o‘z muddatida manzilli yetkazilishi alohida nazoratga olindi, qonunbuzilishi holatlari aniqlangan taqdirda qat’iy choralar ko‘rilishi ta’minlanadi.

Agarda bunday holatlar kuzatilgan taqdirda fuqarolardan tegishli hudud prokuraturasiga murojaat qilish so‘raladi.

Murojaat uchun telefonlar:

Andijon viloyati prokuraturasi – 74 227-1007

Buxoro viloyati prokuraturasi – 65 221-1007

Jizzax viloyati prokuraturasi –72 226-1007

Qashqadaryo viloyati prokuraturasi – 75 228-1007

Qoraqalpog‘iston Respublikasi prokuraturasi – 61 222-1007

Navoiy viloyati prokuraturasi – 79 210-1007

Namangan viloyati prokuraturasi – 69 227-1007

Samarqand viloyati prokuraturasi – 66 231-1007

Sirdaryo viloyati prokuraturasi – 67 235-1007

Surxondaryo viloyati prokuraturasi – 76 223-1007

Toshkent shahar prokuraturasi – 71 202-1007

Toshkent viloyati prokuraturasi – 71 230-1007

Farg‘ona viloyati prokuraturasi – 73 244-1007

Xorazm viloyati prokuraturasi –62 226-1007

Eslatib o‘tamiz, Prezidentning “Koronavirus pandemiyasi davrida ijtimoiy himoyaga va yordamga muhtoj aholi qatlamlarini moddiy qo‘llab-quvvatlashga doir qo‘shimcha chora-tadbirlar to‘g‘risida”gi farmoni bilan 400 mingdan ortiq oilaning 1,7 mln nafar a’zosiga 380 mlrd so‘m pul taqratish belgilangandi.