Osmonni egalariga bo‘shatgan “temir qushlar” (fotoreportaj)

Butun dunyoga yopirilgan koronavirus inson qancha aqlli, imkoniyati keng va Yer sayyorasining haqiqiy xo‘jayini bo‘lsa-da, tabiat oldida ojizligini ko‘rsatdi.

Yer yuzidagi deyarli barcha davlatga kirib borgan COVID-19 infeksiyasi mamlakatlarning iqtisodiyotiga "bomba" kabi tushdi. Ko‘plab davlatlarda karantin e’lon qilindi va iqtisodiy jarayonlar – ishlab chiqarish, xizmat ko‘rsatish va boshqalar to‘xtab qoldi.

Mutaxassislarning fikricha, dunyoda yuzaga kelgan hozirgi vaziyatdan eng ko‘p turizm va unga bog‘liq bo‘lgan aviatransport sohasi jiddiy zarar ko‘ryapti. Buyuk Britaniyaning Flybe aviakompaniyasi allaqachon bankrotligini e’lon qildi. Ekspertlar yana ko‘plab aviakompaniyalarning kasodga uchrashini bashorat qilyapti.

Ayni vaqtda dunyoda ko‘plab davlatlarning o‘z chegarasini to‘la yopishi oqibatida aviaqatnovlar to‘xtab qoldi. QALAMPIR.UZ koronavirus sabab osmonni haqiqiy egalari uchun bo‘shatib, aeroportlarda qolayotgan “temir qushlar” manzaralarini jamladi. Bunday holatni har doim ham ko‘rib bo‘lmaydi.

Avvalroq, Yevropaning havo navigatsiyasi xavfsizligi tashkiloti “Yevrokontrol” koronavirus pandemiyasi mintaqadagi aviareyslarga salbiy ta’sir ko‘rsatganini ma’lum qilgani haqida xabar bergan edik.