Nurafshonda portlagan uy bo‘yicha jinoyat ishi qo‘zg‘atildi

Jamiyat

−

28 aprel 2021 visibility4607

0:00

download

Avvalroq Toshkent viloyati Nurafshon shahridagi uylarning birida gaz-havo aralashmasining chaqnashi oqibatida portlash sodir bo‘lgani haqida xabar berilgandi. O‘zbekiston Bosh prokuraturasi Matbuot xizmati holatga munosabat bildirdi.

Ma’lum qilinishicha, mazkur holat yuzasidan Nurafshon shahar prokuraturasi tomonidan Jinoyat kodeksining 259-moddasi (Yong‘in xavfsizligi qoidalarini buzish) bilan jinoyat ishi qo‘zg‘atilgan.

Hozirda tergov harakatlari olib borilmoqda.

Eslatib o‘tamiz, o‘rganishlar jarayonida maishiy ehtiyoj uchun tabiiy gazni o‘g‘irlash natijasida 2 qavatli binodagi uylardan birining xonasida tabiiy gaz to‘planishi sodir bo‘lgani aniqlangandi. Xonadon egasi hisoblagichni olib tashlab, gaz quvurlarini kanalizatsiya sifoni orqali ulab qo‘yishi, tabiiy gaz sizib chiqishiga sabab bo‘lgan.

Maqola muallifi