Hindiston tankga qarshi raketani sinovdan o‘tkazdi
Olam
−
12 dekabr 2021 6005
Hindiston Mudofaa tadqiqotlari va ishlanmalari tashkiloti kecha, 11 dekabr kuni mamlakat Harbiy-havo kuchlari vertolyoti bilan SANT (Stand-off Anti-Tank) raketasini muvaffaqiyatli sinovdan o‘tkazdi. Bu haqda Hindiston hukumati matbuot xizmati xabar bergan.
Ta’kidlanishicha, sinovlar Rajastan shtatidagi Poxaran poligonida bo‘lib o‘tgan.
“Hindiston Mudofaa tadqiqotlari va ishlanmalari tashkiloti hamda Harbiy-havo kuchlari Poxaran poligonida Stand-off Anti-Tank raketasining muvaffaqiyatli parvoz sinovlarini o‘tkazdi”, deyilgan xabarda.
Ta’kidlanishicha, raketa xavfsiz masofadan yuqori aniqlikni ta’minlaydigan eng zamonaviy qidiruvchi bilan jihozlangan. U 10 kilometrgacha bo‘lgan masofadagi nishonlarni yo‘q qila oladi.
Hukumat matbuot xizmati xabariga ko‘ra, sinovlar davomida barcha topshiriqlar to‘liq bajarilgan.
Live
Barchasi
