Ҳиндистон танкга қарши ракетани синовдан ўтказди
World
−
12 December 2021 7482 1 minute
Ҳиндистон Мудофаа тадқиқотлари ва ишланмалари ташкилоти кеча, 11 декабрь куни мамлакат Ҳарбий-ҳаво кучлари вертолёти билан SANT (Stand-off Anti-Tank) ракетасини муваффақиятли синовдан ўтказди. Бу ҳақда Ҳиндистон ҳукумати матбуот хизмати хабар берган.
Таъкидланишича, синовлар Ражастан штатидаги Похаран полигонида бўлиб ўтган.
“Ҳиндистон Мудофаа тадқиқотлари ва ишланмалари ташкилоти ҳамда Ҳарбий-ҳаво кучлари Похаран полигонида Stand-off Anti-Tank ракетасининг муваффақиятли парвоз синовларини ўтказди”, дейилган хабарда.
Таъкидланишича, ракета хавфсиз масофадан юқори аниқликни таъминлайдиган энг замонавий қидирувчи билан жиҳозланган. У 10 километргача бўлган масофадаги нишонларни йўқ қила олади.
Ҳукумат матбуот хизмати хабарига кўра, синовлар давомида барча топшириқлар тўлиқ бажарилган.
Live
All
