“Hatto Azar undan yaxshiroq edi”. Mbappe keskin tanqidga uchradi

Ispaniyalik jurnalist Mikel Blaskes o‘zining ijtimoiy tarmoqdagi sahifasida “Real”ning  “Liverpul”ga qarshi Yevropa Chempionlar ligasi umumiy bosqichi 5-tur uchrashuvidan (0:2) keyin fransiyalik hujumchisi Kilian Mbappening o‘yinini tanqid qildi.

“Biz Mbappeni Leo Messiga qiyoslaganlar borligini unuta olmaymiz. Argentinalik futbolchi 25 yoshida “Barselona”da o‘ynab, to‘rt marta “Oltin to‘p”ni qo‘lga kiritgan. Mbappe hatto Eden Azardan ham yaxshiroq emas va u juda zerikarli futbolchi”, deb yozdi Blaskes 

Qayd etish joiz, “Liverpul” bilan o‘yinning ikkinchi bo‘limi o‘rtalarida hisob 0:1 bo‘lib turganida Mbappe penaltini golga aylantira olmadi. Yakunda “qaymoqranglilar” 2 ta to‘p farqi bilan mag‘lub bo‘ldi. 

Joriy mavsumda Mbappe klub safida barcha musobaqalarda 18 ta o‘yinda ishtirok etib, 9 ta gol urdi va 2 ta golli uzatmaga mualliflik qildi. “Transfermarkt”ga ko‘ra, hujumchining qiymati 180 million yevroni tashkil etadi.