Зидан “Реал”га қайтиши мумкин
Спорт
−
13 Октябрь 2023
3045Франциялик мураббий Зинедин Зидан яна “Реал” устозлигига қайтиши мумкин. Бу ҳақда “El Chiringuito” нашри хабар берди.
Манбага кўра, “Реал Мадрид”да Карло Анчелотти ўрнига асосий номзод – Зидан. Томонлар ҳамкорликни тиклаш бўйича музокаралар олиб бормоқда. Анчелотти эса келгусида фаолиятини Бразилия терма жамоасида давом эттиради.
Зинедин Зидан “Реал”ни 2016-2018 ва 2019-2021 йилларда бошқарган. Франциялик мураббий қаймоқранглилар билан биргаликда икки карра Испания чемпиони, икки карра Испания Суперкубоги ва уч карра Европа Чемпионлар лигаси ғолибига айланган.
Айни дамда Испания Чемпионати турнир жадвалида “Реал” пешқадамлик қилмоқда. Карло Анчелотти шогирдлари ортда қолган турлардан сўнг 24 очко жамғарди. Жамоа кейинги турда “Севилья” билан тўқнаш келади. Учрашув эса 21 октябрь куни бўлиб ўтади.