Жапаров “Хитой-Қирғизистон-Ўзбекистон” темирйўли бўйича келишувни ратификация қилди

Олам

−

27 Июнь 2024 visibility6999 timer1 дақиқа

Қирғизистон Президенти Садир Жапаров “Хитой, Қирғизистон ва Ўзбекистон ҳукуматлари ўртасидаги “Хитой-Қирғизистон-Ўзбекистон” темирйўли лойиҳасини биргаликда илгари суриш бўйича ҳамкорлик тўғрисидаги битимни ратификация қилиш тўғрисида”ги қонунни имзолади. Бу ҳақда давлат раҳбари матбуот хизмати хабар берди.

Шартнома 6 июнь куни Пекинда имзоланган эди. Қирғизистон Республикасининг тегишли қонуни Жогорку Кенеш (парламент) томонидан 19 июнь куни қабул қилинган.

Қайд этилишича, янги темирйўл йўлаги Евросиё кўпригининг жанубий тармоғига айланади ва Жануби-Шарқий, Ғарбий Осиё ва Яқин Шарқ бозорларига, жумладан Туркия ва ундан кейин Европа Иттифоқига чиқиш йўлини очади.

Азизбек Эшмаматов

Мақола муаллифи