Жаҳон чемпионати плей-оффининг барча жуфтликлари маълум бўлди

АҚШ, Канада ва Мексика мезбонлик қилаётган 2026 йилги Жаҳон чемпионатида гуруҳ босқичи якунланди ва плей-оффнинг 1/16 финал босқичида иштирок этадиган барча 32 жамоа маълум бўлди.

Гуруҳ босқичи якунларига кўра, учинчи ўринни эгаллаган жамоалар орасидан Жанубий Корея, Шотландия, Уругвай ва Эрон энг яхши саккизликдан жой ололмади ва мусобақа билан хайрлашди.

1/16 финал жуфтликлари:

• 28 июнь: Жанубий Африка — Канада (Лос-Анжелес);
• 29 июнь: Германия — Парагвай (Бостон);
• 29 июнь: Бразилия — Япония (Хьюстон);
• 29 июнь: Нидерландия — Марокаш (Монтеррей);
• 30 июнь: Франция — Швеция (Нью-Йорк);
• 30 июнь: Кот-д’Ивуар — Норвегия (Даллас);
• 30 июнь: Мексика — Эквадор (Мехико);
• 1 июль: АҚШ — Босния ва Герцеговина (Сан-Франциско);
• 1 июль: Бельгия — Сенегал (Сиэтл);
• 1 июль: Англия — Конго ДР (Атланта);
• 2 июль: Португалия — Хорватия (Торонто);
• 2 июль: Испания — Австрия (Лос-Анжелес);
• 2 июль: Швейцария — Жазоир (Ванкувер);
• 3 июль: Аргентина — Кабо-Верде (Майами);
• 3 июль: Австралия — Миср (Даллас);
• 3 июль: Колумбия — Гана (Канзас-Сити).

Маълумот учун, 2026 йилги мундиал тарихда илк бор 48 та жамоа иштирокида уч мамлакат — АҚШ, Канада ва Мексикада ўтказилмоқда. Мусобақа низомига кўра, ҳар бир гуруҳда биринчи ва иккинчи ўринни эгаллаган жамоалар, шунингдек, учинчи ўринни банд этган саккизта энг яхши терма жамоа плей-офф босқичига йўл олди.

Эслатиб ўтамиз, аввалроқ Ўзбекистон миллий терма жамоаси Жаҳон чемпионати 3-турида Конго Демократик Республикасига 3:1 ҳисобида мағлубиятга учради.