Zelenskiy Zalujniyni ishdan olmoqchiligini tasdiqladi
Olam
−
05 fevral
8117Ukraina Prezidenti Vladimir Zelenskiy mamlakat Qurolli kuchlari bosh qo‘mondoni Valeriy Zalujniyni almashtirish haqida o‘ylayotganini aytdi. Bu haqda u kecha, 4 fevral kuni Italiyaning “Rai1” telekanaliga bergan intervyusida so‘z ochdi.
“Bu Ukrainani boshqarishi kerak bo‘lgan odamlarni qiziqtiradigan savol. Albatta, qayta ishga tushirish va yangidan boshlash kerak”, deydi Prezident.
U nafaqat harbiy sohada, balki boshqa sohalarda ham davlatning ayrim yetakchi amaldorlarini almashtirishni nazarda tutganini tushuntirdi. Prezidentning aniqlik kiritishicha, gap "mamlakat mashinasini boshqaradigan" butun boshqaruv guruhi haqida ketmoqda.
“Men bu almashtirish haqida o‘ylayapman, bu haqiqat”, degan Zelenskiy Ukraina Qurolli kuchlari bosh qo‘mondoni bilan kelishmovchiliklar haqidagi savolga javoban.
Prezidentning qo‘shimcha qilishicha, bir kishini almashtirish endi yo‘lga chiqish mumkin degani emas. Zelenskiy Kiyev “bir yo‘nalishda harakat qilishi” va “uyda salbiy energiya qoldirib, ijobiy energiyaga ega bo‘lishi” kerakligini aytgan.
“Men qayta ishga tushirish va kadrlar almashinuvi haqida gapirganda, bir kishiga emas, balki mamlakat rahbariyatining yo‘nalishiga taalluqli jiddiy narsani nazarda tutyapman", deb tushuntirdi u.
Eslatib o‘tamiz, oldinroq Valeriy Zalujniy Prezident Vladimir Zelenskiyning Milliy xavfsizlik va mudofaa kengashi kotibi lavozimini egallash taklifini rad etgani haqida xabar qilingandi. Keyinroq Ukraina rasmiylari Vashingtonni Ukraina Qurolli kuchlari bosh qo‘mondonini ishdan bo‘shatish rejalari haqida ogohlantirgani aytildi.
LiveBarchasi