Yunusobodda bir odam 4 kishini pichoqladi. Qurbonlar bor – Bosh prokuratura

Ijtimoiy tarmoqlarda Toshkent shahar, Yunusobod tumanida qotillik sodir etilganligi yuzasidan xabar tarqalgandi. O‘zbekiston Bosh prokuraturasi Matbuot xizmati mazkur holat yuzasidan munosabat bildirdi.

Aniqlanishicha, kecha, 20 sentyabr kuni soat 06:00 larda Yunusobod tumani, Amir Temur ko‘chasida joylashgan tungi klubdan chiqqan shaxslar ko‘chada turgan boshqa bir guruh shaxslar bilan o‘zaro janjallashgan.

Janjal vaqtida, fuqaro S.X. yonida bo‘lgan pichoq bilan 4 nafar shaxsga bir necha martotaba tan-jarohatlari yetkazib, hodisa joyidan yashiringan.

Oqibatda, 2 nafar shaxs vafot etgan, qolgan 2 nafarini hayoti saqlab qolingan.

Mazkur holat yuzasidan shu kuni Toshkent shahar prokuraturasi tomonidan S.X.ga nisbatan Jinoyat kodeksining 97-moddasi 2-qismi “a, l” bandlari, 25,97-moddasi 2-qismi “a, l” bandlari bilan jinoyat ishi qo‘zg‘atilgan. 

S.X. protsessual tartibda ushlangan.

Tergov harakatlari olib borilmoqda.