YouTube монетизацияни ёқиш талабларини кескин кучайтирди

YouTube монетизацияни улаш учун зарур бўлган кўришлар сони талабини икки бараварга оширди. Бу ҳақда “TechCrunch” хабар берди.

Ҳозирда монетизация 1 минг нафар обуначиси бўлган ҳамда бир йил давомида оддий видеолари камида 4 минг соат кўрилган ёки 90 кун ичида Shorts роликлари 10 миллион марта кўрилган муаллифлар учун очиқ.

Энди талаблар икки бараварга ортади: йилига 8 минг соат кўриш ва 90 кун ичида Shorts роликларини 20 миллион марта кўриш.

Бундан ташқари, YouTube қисқа роликлардан олинадиган даромадларни тақсимлаш тартибини қайта кўриб чиқади. 1 февралдан бошлаб Shorts’даги реклама ва Premium обуналаридан тўловларни фақат охирги 90 кун ичида камида 10 миллион кўриш тўплаган каналлар олади.

Кўрсаткич пасайган тақдирда, муаллиф дастур иштирокчиси бўлиб қолаверади, аммо фақат узун видеолардан даромад олади.

Муаллифларни қўллаб-қувватлаш учун YouTube Premium Lite обунаси географиясини кенгайтирган. У энди оддий Premium мавжуд бўлган барча мамлакатларда ишлайди. Муаллифлар кўришлар сони ва вақтига қараб обунадан тушадиган даромаднинг бир қисмини олишлари мумкин. Янгиликлар дастурнинг амалдаги иштирокчиларига таъсир қилмайди.

Янги қоидалар 2027 йил 1 февралдан кучга киради.