Ёрдам олмоқчи бўлган 1760 оч ғазоликлар ўлдирилди

north_east

Европа Исроилни Фаластин ерида тураржой қуришни тўхтатишга чақирди

Жорий йилнинг май ойидан буён Ғазода ёрдам олишга ҳаракат қилган камида 1760 нафар фаластинлик ҳалок бўлди. Бу ҳақда “Al Jazeera” хабар берди.

Қайд этилшича, бугун, 16 август куни Исроил зарбаларидан Ғазода камида 25 нафар фаластинлик, жумладан 12 нафар ёрдам олишга борган фуқаролар вафот этган.

Жанубий Ғазодаги Маваси ҳудудида Исроил дрони ҳужуми оқибатида икки киши ҳалок бўлган, 15 киши жароҳат олган. Ҳужум ҳудуддаги бошпана пунктларига урилган. Шу билан бирга, Ғазо Соғлиқни сақлаш вазирлиги маълумотларига кўра, сўнгги 24 соатда 11 киши очликдан вафот этган, жумладан, 16 ва 25 ёшли ака-ука бир кунда ўлган. Ҳозирги вазиятда Ғазода кўплаб болалар ва катталар озиқ-овқатсиз қолмоқда, ёрдам марказлари етарлича ишламаяпти, овқат жуда қиммат.

Ҳудуддаги Аш-Шифо шифохонасида 200 дан ортиқ беморнинг ҳаёти дори-дармон етишмаслиги ва очлик сабаб хавф остида. Шифокорлар инфекциялар сабаб ампутациялар сонини кўпайтиришга мажбур бўлмоқда.

Ғазода Исроил ҳаво ва артиллерия зарбалари давом этмоқда, аҳолига қочиш ёки қолиш танлови қийинлашмоқда. Шунингдек, Ғарбий Соҳилда Исроил босқинлари оқибатида тўрт фаластинлик жароҳатланган. Ҳудудда Исроил дрони техник носозлик сабаб ҳалокатга учраган.

Умуман олганда, Ғазодаги вазият жиддий бўлиб, очлик, ёрдам етишмаслиги ва доимий бомбардимон туфайли ҳалок бўлганлар сони ҳар лаҳза ортиб бормоқда.

Эслатиб ўтамиз, аввалроқ Туркия Президенти Ражаб Тойиб Эрдўған Ғазо секторидаги инқироз бўйича Ғарб мамлакатларининг сусткаш позицияси халқаро ҳамжамиятга бўлган ишончни емираётганини айтганди. Эрдўғаннинг қўшимча қилишича, Туркия Ғазо масаласида бошидан буён қатъий позицияда туриб, озиқ-овқат, дори ва тиббий ёрдам етказиб бермоқда, ярадорларни даволаш учун қабул қилмоқда.