Япония футболчиси йўловчини уриб юборди

“Брайтон” клубининг япониялик қанот ҳужумчиси Каору Митома Токиода велосипедда кетаётган 48 ёшли аёлни уриб юборди. Бу ҳақда “Japan Times” хабар берди.

Ҳодиса жорий йилнинг 8 июль куни эрталаб Токио шаҳрининг Итабаши туманида содир бўлган. Футболчининг агентининг маълумотига кўра, 29 ёшли Митома йўлда етарлича эҳтиёткор бўлмаган.

Ҳодисадан сўнг футболчи жабрланган аёлнинг аҳволидан хабар олган ва полиция ходимларининг барча кўрсатмаларига амал қилган.

Маълум қилинишича, полиция дастлабки текширувлар давомида Митома қизил чироққа ҳаракатланган бўлиши мумкин, деган тахминни ўрганмоқда.
Жабрланган аёл турли енгил тан жароҳатлари олган ва тиббий ёрдамга мурожаат қилган. Шифокорлар унинг тўлиқ тикланиши учун тахминан икки ҳафта керак бўлишини маълум қилган.

Маълумот учун, Митома мавсум давомида бир қатор жароҳатлар, жумладан май ойида олган шикастланиши сабабли Япония терма жамоасининг 2026 йилги Жаҳон чемпионати учун қайдномасига киритилмаган эди. У 2021 йилдан буён миллий терма жамоа сафида тўп суриб келмоқда ва 31 учрашувда 9 та гол урган.

Эслатиб ўтамиз, Япония терма жамоаси эса 2026 йилги Жаҳон чемпионатининг 1/16 финал босқичида Бразилияга 1:2 ҳисобида мағлуб бўлган эди.