Ямаль туғилган кунига совға сифатида Францияни мағлуб этмоқчи

Спорт

−

14 июл visibility1232 timer1 дақиқа

Испания терма жамоаси ярим ҳимоячиси Ламин Ямаль Францияга қарши 2026 йилги Жаҳон чемпионати ярим финали олдидан ўзининг энг катта орзуси ҳақида гапирди. Бу ҳақда RMC Sport нашри хабар берди.

19 ёшга тўлган футболчи туғилган куни учун асосий тилаги Испанияни Жаҳон чемпионатининг финалига олиб чиқиш эканини айтди.

“Туғилган кунимдаги тилагимми? Францияни мағлуб этиш. 19 июлгача жамоа билан қолиш. Қани, уларни мағлуб этайлик!” дейди Ямаль.

2026 йилги Жаҳон чемпионатининг Испания – Франция ўртасидаги ярим финал баҳси бугун, 14 июлдан 15 июлга ўтар кечаси бўлиб ўтади. Ушбу учрашув ғолиби жорий йилнинг 19 июль куни бўлиб ўтадиган финалга йўлланма олади.

Қайд этиш жоиз, Ламин Ямаль ўзининг кеча, 13 июль куни 19 ёшини нишонлади. Ҳозирга қадар “Барселона” юлдузи мундиалда 1 та гол уришга муваффақ бўлди.

Мақола муаллифи