WBC ҳурматини йўқотмоқда – Умар Кремлев

Халқаро бокс ассоциацияси (IBA) президенти Умар Кремлев Бутунжаҳон бокс кенгашининг (WBC) россиялик спортчиларни рейтингдан чиқариб ташлаши ҳақидаги қароридан норози. Бу ҳақда Кремлев “Championat.com”гa берган интервьюсида айтиб ўтди.

“Бу ҳолат жуда катта минус. Ташкилот ўз ҳурматини йўқотяпти. Спортчилар ана шундай мезонлар бўйича жазоланса, унда улар WBC мусобақаларида қатнашмаслиги керак. Мухлислар ва ҳомийлар спортчиларнинг жангини томоша қилиш учун аренага боради, ташкилот учун эмас. Қандай қилиб юраксиз яшаш мумкин?  WBC ўз юрагидан ўз воз кечди”, дейди Кремлев.

Эслатиб ўтамиз, аввалроқ 2022 йилдан бери қанча россиялик спортчи фуқаролигини ўзгартиргани хабар қилинганди. 2022 ва 2023 йилларда фуқаролигини ўзгартирган Россия спортчиларидан 47 нафари ёзги олимпия спорт турлари, 8 нафари қишки олимпия спорт турлари ва 12 нафари нодавлат спорт турлари вакиллари ҳисобланди.