Венесуэладаги зилзила қурбонлари сони 5 мингдан ошди
Олам
−
19 июл 1398 1 дақиқа
Венесуэлада содир бўлган вайронкор зилзила қурбонлари сони 5 минг 119 кишига етди. Бу ҳақда Миллий ассамблея раҳбари Хорхе Родригес маълум қилди.
“5 минг 119 киши ҳалок бўлди, 16 минг 740 киши жароҳатланди”, дейди у.
Мамлакат расмийларининг маълумотларига кўра, табиий офатдан сўнг 16 минг 740 киши жароҳатланган, яна 6 минг 462 кишини қутқариб қолишга муваффақ бўлинган. Вақтинчалик лагерларда 21 мингдан ортиқ фуқаро жойлаштирилган, 17,9 мингга яқин киши эса бошпанасиз қолмоқда.
Қайд этилишича, табиий офат 856 та бинога шикаст етказган, улардан 190 таси бутунлай вайрон бўлган.
Офат оқибатларини бартараф этишга 31 мингга яқин фавқулодда вазиятлар хизмати ходимлари, 31,3 мингдан ортиқ кўнгиллилар ва 2,4 минг нафар хорижлик қутқарувчилар жалб этилган.
Эслатиб ўтамиз, жорий йил 25 июнь куни Венесуэлада сўнгги 126 йилдаги энг кучли зилзила юз берган эди.
Live
Барчаси
