Вазир Назарбеков Кремлда қўшиқ куйлади

Жорий йилнинг 19 ноябрь куни Россиянинг Москва шаҳридаги Кремль саройида Ўзбекистоннинг Россиядаги маданият кунларининг тантанали очилиш маросими бўлиб ўтди ва унда Ўзбекистон халқ артисти, Маданият вазири Озодбек Назарбеков қўшиқ куйлади. Бу ҳақда Маданият вазирлиги хабар берди.

Қайд этилишича, тадбирда юқори мартабали расмийлар, Россия ва Ўзбекистоннинг маданий ва ишбилармонлик доиралари вакиллари, дипломатлар ва санъат намоёндалари иштирок этган.

Ўзбекистон халқ артисти Озодбек Назарбеков “Мажнунтол”, “Хафа бўламан”, “Атиргулим”, “Андижонча”, “Мендирман ўша” қўшиқларини куйлаган.



Вазир Назарбековдан ташқари концерт дастурида яна бир қатор хонанда ва санъат усталари чиқиш қилган. Жумладан:

• “Ўзбекистон она диёрим!” – Ўзбекистон халқ артисти Камолиддин Ўринбоев бошчилигидаги Ўзбекистон давлат симфоник оркестри;
• “Кел эй дунё” – “Аrtist” мусиқий телелойиҳаси ғолиблари: Беҳруз Юнусов, Акмалхўжа Холхўжаев, Улуғбек Шомуродов, Элёрбек Мелибоев;
• “Подмосковные вечера” – Халқаро танловлар лауреатлари Сабина Хамдамова, Аккол Мелдебеков;
• “Ёр истаб, Мустаҳзод” – Ўзбекистон халқ артисти Зулайхо Бойхонова, Мукаррама Турғунбоева номидаги “Баҳор” давлат рақс ансамбли;
• “Песенка Герцога” Джузеппе Вердининг “Риголетто” операсидан – Ўзбекистон халқ артисти Рамиз Усмонов;
• “Ёлғиз”, “Шаҳлога тушдинг” – Халқаро танловлар лауреатлари Хушнуд Солижонов, Абдулазиз Мухторов;
• “Травушка-муравушка” – Халқаро танловлар лауреати Ясмин Омар Мун;
• “Мавриги” – Ўзбекистонда хизмат кўрсатган артист Илёс Арабов, Мукаррама Турғунбоева номидаги “Баҳор” давлат рақс ансамбли;
• “Музыкальная чайхана”, “Омон ёр” – Ўзбекистон халқ артисти Фаррух Зокиров;
• “Қалдирғоч”, “Ойнинг ўн беши”, “Келгин гулим”, “Айланай” – Ўзбекистон халқ артисти Озодбек Назарбеков, Мукаррама Турғунбоева номидаги “Баҳор” давлат рақс ансамбли.
• “Катта ўйин” – Мукаррама Турғунбоева номидаги “Баҳор” давлат рақс ансамбли;
• “Дем бермес” – Ўзбекистон халқ артисти Ойгул Нодирова, Мукаррама Турғунбоева номидаги “Баҳор” давлат рақс ансамбли;
• “Ажаб-ажаб” – Ўзбекистон халқ артисти Гулсанам Мамазоитова, Мукаррама Турғунбоева номидаги “Баҳор” давлат рақс ансамбли;
• “Кўк жигули” – Ўзбекистонда хизмат кўрсатган артист Озода Нурсаидова, Мукаррама Турғунбоева номидаги “Баҳор” давлат рақс ансамбли.