Ўзгидромет шошилинч огоҳлантириш билан чиқди

Жамият

−

18 Март 2025 visibility122647 timer1 дақиқа

Жорий йилнинг 20-25 март кунлари кутилаётган ёғингарчилик ҳамда ҳаво ҳароратининг ўзгаришлари сабабли республиканинг тоғли ҳудудларида қор кўчиш хавфи эълон қилинди. Ўзгидромет бу бўйича тегишли огоҳлантириш билан чиқди.

Билдирилишича, қуйидаги ҳудудларда қор кўчиши мумкин:

Қашқадарё вилояти: Деҳқонобод, Китоб, Қамаши, Шаҳрисабз туманларида;
Сурхондарё вилояти: Бойсун, Қумқўрғон, Сариосиё, Узун туманларида;
Самарқанд вилояти: Нуробод, Қўшработ, Самарқанд, Ургут туманларида;
Жиззах вилояти: Бахмал, Зомин туманларида;
Тошкент вилояти: Бўстонлиқ, Оҳангарон ва Паркент туманлари (Чотқол тизмаси);
Наманган вилояти: Поп туманида қор кўчиш хавфи эълон қилинади.

Шу туфайли тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралган.

Мақола муаллифи