Ўзбекистонликлар туристик мақсадларда энг кўп қаерга боряпти?

Ўзбекистон фуқаролари энг кўп туристик мақсадларда Қирғизистонга боряпти. Бу ҳақда Статистика агентлиги матбуот хизмати хабар берди.

Қайд этилишича, 2024 йилнинг январь-июль ойларида жами 3,4 млн нафар ўзбекистонликлар туристик мақсадларда чет элга сафар қилган. Бу кўрсаткич ўтган йилнинг мос даври билан солиштирилганда 890,5 минг нафарга ёки 35,7 % га ошган.

Жорий йилнинг январь-июль ойларида туристик мақсадларда чет элга кетган Ўзбекистон Республикаси фуқаролари мамлакатлар бўйича қуйидагича:

• Қирғиз Республикаси – 1,6 млн нафар;
• Тожикистон – 676,4 минг нафар;
• Қозоғистон – 526,4 минг нафар;
• Россия – 159,7 минг нафар;
• Туркия – 123 минг нафар;
• Саудия Арабистони – 106,5 минг нафар;
• БАА – 70,6 минг нафар;
• Миср – 22,2 минг нафар;
• Қувайт – 16,7 минг нафар;
• Жанубий Корея – 12,3 минг нафар;
• бошқа давлатлар – 91,5 минг нафар.

Эслатиб ўтамиз, жорий йилнинг биринчи ярмида энг кўп Қирғизистон ва Тожикистон фуқаролари Ўзбекистонга туристик мақсадларда ташриф буюргани маълум бўлганди.