Ўзбекистонга совуқ ҳаво кириб келмоқда – Ўзгидромет
Жамият
−
21 Январь 47804 1 дақиқа
Жорий йилнинг 22-24 январь кунлари Ўзбекистон ҳудудига нам ва совуқ ҳаво массалари кириб келади. Бу ҳақда Ўзгидромет огоҳлантириш билан чиқди.
Маълум қилинишича, 22-23 январь куни кечаси ва эрталаб Ўзбекистон бўйича асосан қор кўринишидаги ёғингарчилик бўлади. Йўлларда баъзи жойларда яхмалак кузатилади.
Республиканинг тоғ олди ва тоғли ҳудудларида 22-23 январь кунлари қор ёғади, баъзи жойларда кучли бўлади.
Республика бўйича баъзи жойларда шамол тезлиги 15-20 м/с гача кучаяди, айрим жойларда баъзида 22-25 м/с гача кучайиши мумкин.
22-24 январь кунлари ҳарорат кечалари 3-8 даража совуққача, кундуз кунлари 3 даража совуқ 2 даража илиққача; шимолда кечалари 12-15 даража совуққача, кундуз кунлари 2-5 даража совуққача пасаяди.
Live
Барчаси
