Ўзбекистон ва Қозоғистон ўртасида қандай ҳужжатлар имзоланди?

Жамият

Аввалроқ, Кўксаройда Ўзбекистон ва Қозоғистон ўртасида қатор икки томонлама ҳужжатлар имзолангани ҳақида хабар берган эдик. Хўш, булар қандай ҳужжатлар эди? 

Ўзбекистон Республикаси Инвестициялар ва ташқи савдо вазири Сардор Умрзоқов ва Қозоғистон Республикаси Миллий иқтисодиёт вазири Руслан Даленов Марказий Осиё савдо-иқтисодий халқаро марказни ташкил этиш масаласи бўйича идоралараро англашув меморандумини имзоладилар. 

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси Жасур Акромов ҳамда Қозоғистон Республикаси Ташқи ишлар вазири Бейбут Атамкулов Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита билан Қозоғистон Республикаси Ахборот ва ижтимоий ривожланиш вазирлиги ўртасида ҳамкорлик тўғрисида меморандумни имзоладилар. 

Ўзбекистон Республикаси Мудофаа вазири Баҳодир Қурбонов ҳамда Қозоғистон Республикаси Мудофаа вазири Нурлан Ермикбаев ҳаво ҳужумидан мудофаа соҳасида ҳамкорлик тўғрисида идоралараро битимни ҳамда икки давлат ҳарбий аэродромларида ҳарбий ҳаво кемаларини қабул қилиш, аэродром техник таъминоти ва ҳарбий ҳаво кемаларини қўриқлаш тўғрисида идоралараро битимни имзоладилар.

Ўзбекистон Республикаси Бандлик ва меҳнат муносабатлари вазири Шерзод Қудбиев ҳамда Қозоғистон Республикаси Меҳнат ва аҳолини муҳофаза қилиш вазири Бердибек Сафарбаев меҳнаткаш мигрантларнинг меҳнат фаолияти ва ҳуқуқларини ҳимоя қилиш тўғрисида ҳукуматлараро битимни имзоладилар. 

Ўзбекистон Республикаси Ташқи ишлар вазири Абдулазиз Комилов ҳамда Қозоғистон Республикаси Ташқи ишлар вазири Бейбут Атамкулов ноқонуний миграцияга қарши курашишда ҳамкорлик тўғрисида ҳукуматлараро битимни, даромадларга ва мулкка икки ёқлама солиқ солинишига йўл қўймаслик тўғрисида битим доирасида резидентликни тасдиқловчи расмий ҳужжатларни тан олиш тартиби тўғрисида битимни ҳамда икки давлат Ташқи ишлар вазирликлари ўртасида 2019-2021 йилларга мўлжалланган ҳамкорлик дастурини имзоладилар. 

Ўзбекистон Республикаси Президенти Шавкат Мирзиёев ҳамда Қозоғистон Республикаси Президенти Қосим Жомарт-Тоқаев давлат раҳбарларининг қўшма баёнотини имзоладилар. 
 


Мақола муаллифи

Теглар

Шавкат Мирзиёев Қосим Жомарт-Тоқаев

Баҳолаганлар

10

Рейтинг

3.1

Мақолага баҳо беринг

Дўстларингиз билан улашинг