Ўзбекистон Ташқи ишлар вазири Японияга борди
Жамият
−
07 Март 2923
Кеча, 6 март куни расмий ташриф билан Япония пойтахти Токиога борган Ўзбекистон Ташқи ишлар вазири Бахтиёр Саидов Либерал-демократик партия вице-президенти, Япония парламентидаги Ўзбекистон билан дўстлик лигаси раиси Таро Асо билан учрашди. Бу ҳақда "Дунё" АА хабар берди.
"Ўзбекистоннинг Япониядаги яқин дўсти, Либерал-демократик партия вице-президенти, Япония парламентидаги Ўзбекистон билан дўстлик лигаси раиси Таро Асо жаноблари билан учрашганимиздан ғоят мамнунмиз", деб ёзган Бахтиёр Саидов ўзининг Telegram-каналида.
Қайд этилишича, халқ дипломатияси мамлакатларни янада яқинлаштиришда муҳим роль ўйнайди.
"Жаноб Асо ва унинг жамоасига Ўзбекистон-Япония алоқаларини ривожлантиришга кўрсатаётган доимий кўмаги учун миннатдорлик билдирамиз", дейди Ўзбекистон ТИВ раҳбари.
Live
Барчаси
