Ўзбекистон пенальтилар сериясида Хорватияни мағлуб этди
Спорт
−
15 Ноябрь 8977 1 дақиқа
Бугун, 15 ноябрь куни Ўзбекистон U-17 терма жамоаси Жаҳон чемпионатининг 1/16 босқичида Хорватия U-17 терма жамоасига қарши ўйнади.
Ўйиннинг биринчи бўлими тенгкурашлар остида ўтди. Иккала жамоа вакиллари ҳам имкониятларга эга бўлди. Таймнинг 26-дақиқасида Садриддин Ҳасанов гол уриб, ўзбекистонликларни ҳисобда олдинга олиб чиқди. Биринчи бўлимда бошқа гол бўлмади.
Иккинчи бўлимда хорватияликлар ҳужумларни кўпайтирди. Қатор хавфли вазиятлар юзага келтирган европаликлар ўйиннинг 80-дақиқасида ўз мақсадига етди. Шу тариқа ҳисоб тенглашди ва пенальтилар сериясида ғолиб аниқланди. Якунда ўзбекистонлик ўсмирлар серияда 4:3 ҳисобида ғалаба қозонди.
Маълумот учун, энди Ўзбекистон U-17 1/8 босқичда италиялик тенгдошлари билан куч синашади.
