Ўзбекистон ОТБдан 170 миллион доллар қарз оляпти
Жамият
−
12 Октябрь 2023 4828
Ўзбекистон Яшил иқлим фондининг “Электромобиллик дастури”ни молиялаштириш учун Осиё тараққиёт банкидан 170 миллион доллар кредит олишни режалаштирмоқда.
Транспорт вазирининг биринчи ўринбосари Маманбий Омаров ва Осиё тараққиёт банки (ОТБ) вакиллари ўртасида музокаралар бўлиб ўтган. Маълум қилинишича, ажратилиши режалаштирилган 170 миллион АҚШ долларидан 65 миллион доллари грантлар, қолган 105 миллион доллари эса кредит маблағидир.
Маблағлар тижорат электромобилларини оммалаштириш йўлидаги тўсиқларни бартараф этиш, шунингдек, электробуслар парки ва ёрдамчи инфратузилмани жойлаштириш, жамоат транспорти тизимини такомиллаштиришга йўналтирилади.
Эслатиб ўтамиз, аввалроқ “Замонавий иқтисодиёт учун кўникмаларни ривожлантириш” лойиҳаси бўйича Ўзбекистон ва Осиё тараққиёт банки ўртасида 93 миллион АҚШ доллари миқдорида битим имзоланди.
Live
Барчаси
