Ўзбекистон Олимпиада очилиш маросимида иштирок этди

Бугун, 7 февралга ўтар кечаси Италияда Милан-Кортина–2026 қишки Олимпия ўйинларининг тантанали очилиш маросими бўлиб ўтди. Мазкур тадбирда шорт-трек бўйича Ўзбекистон терма жамоаси аъзоси Даниил Ейбог Ўзбекистон делегация байроқдори вазифасини бажаради.

Маълумки, Медет Назаров тоғ чанғисининг слалом ва гигант-слалом, Даниил Ейбог шорт-трекнинг 500 метр масофага югуриш йўналишларида қишки Олимпиада баҳсларида иштирок этади.

Шунингдек, саралаш цикли якунига кўра, Дмитрий Чигирёв ҳамда Екатерина Гейниш фигурали учишнинг жуфтлик йўналишида Олимпиадага йўлланма қўлга киритган эди. Бироқ, турнирга тайёргарлик жараёнида Дмитрий Чигирёв жароҳат олиб, мусобақагача тиклана олмади. Шу боис мусобақаларда Ўзбекистон делегацияси тоғ чанғиси ва шорт-трек дастурларидагина иштирок этади.

Милан-Кортина–2026 қишки Олимпия ўйинлари кеча, 6 февраль куни бошланиб, жорий йилнинг 22 февраль кунига қадар давом этади.