Ўзбекистон қишки Осиё ўйинларида ўз тарихидаги энг катта таркиб билан қатнашади

7-14 февраль кунлари Хитойнинг Харбин шаҳрида IX қишки Осиё ўйинлари бўлиб ўтади. Мазкур мусобақада Ўзбекистон делегацияси ўз тарихидаги энг катта таркиб билан иштирок этади. Бу ҳақда Ўзбекистон Олимпия қўмитаси матбуот хизмати хабар берди.

Манбага кўра, делегация бўлажак ўйинларда 6 спорт турида 24 нафар атлет билан қатнашиши кўзда тутилган. 

Қайд этиш жоиз, бу ҳам спорт тури, ҳам атлетлар сони бўйича делегация энг катта таркибда қатнашадиган қишки Осиё ўйинлари бўлади. 

Иштирокчилар рўйхати:

Шорт-трек: Даниил Ейбог ва Денис Айрапетянц;

Конькида югуриш: Данила Семериков;

Тоғ чанғиси: Медет Назаров, Арман Гаюпов, Никита Горковский, Сабина Режепова, Валерия Ковалёва, Ксения Григорьева, Мария Морозова;

Чанғи альпинизми: Моҳинур Аралова, Феруза Бобоқулова, Эъзоза Шаймарданова, Асила Шойимова, Жасур Шамсиддинов, Мақсудхон Акобиров, Шоҳруҳ Сардоров, Эъзозбек Хушвақтов.

Фигурали учиш: Екатерина Гейниш, Дмитрий Чигирев, Нигинабону Жамолиддинова, Севинч Раҳимова;

Биатлон: Ролан Раимқулов, Дилмурод Абдураҳмонов.

Маълумот учун, мусобақаларнинг очилиш маросими 7 февраль кунига белгиланган. Ўзбекистонлик атлетларнинг иштироки айнан шу санадан бошланади.