Ўзбекистон-Қирғизистон ўйинига ҳакам тайинланди

Спорт

−

18 Март 2025 visibility12137 timer1 дақиқа

Футбол бўйича Жаҳон чемпионати-2026 саралаш босқичи доирасидаги Ўзбекистон-Қирғизистон терма жамоалари ўртасидаги ўйинни япониялик ҳакам Ясуке Араки бошқаради.

Ушбу ҳакам бошқарган ўйинларда Ўзбекистон миллий терма жамоаси 1 ғалаба ва 1 дуранг қайд этган. Осиё кубоги-2023 доирасида Ясуке Арака бошқарган Австралия-Ўзбекистон ўйинда 1:1 ҳисоби қайд этилган. Жаҳон чемпионати-2026 саралаш босқичи доирасидаги ўйинида Ўзбекистон Туркманистонни 3:1 ҳисобида мағлуб этган.

Маълумот ўрнида, Ўзбекистон-Қирғизистон терма жамоалари ўртасидаги ўйин 20 март куни “Бунёдкор” стадионида бўлиб ўтади. Баҳс Тошкент вақти билан 21:00 да старт олади.

Эслатиб ўтамиз, аввалроқ, Ўзбекистон терма жамоаси ҳимоячиси Ҳусниддин Алиқулов жароҳат олгани сабаб, март ойидаги йиғинни ўтказиб юбориши ҳақида хабар берилган эди.

Мақола муаллифи