Ўзбекистон дунё армиялари рейтингида 7 поғона юқорилади

Ўзбекистон Қуролли кучлари дунё армиялари рейтингида 145 мамлакат ичида 58-ўринни эгаллади. Бу ҳақда қуролли кучларнинг молиявий таъминотидан тортиб, логистика ва географик хусусиятларигача бўлган 60 дан ортиқ мезонларни ўрганадиган “Global Firepower“ веб-сайти хабар берди.

Қайд этиш жоиз, Ўзбекистон бу натижа билан ўтган йилги кўрсатгичдан 7 поғона юқорилади.

Рейтингдаги кучли ўнликка қуйидаги давлатлар киради:

• АҚШ

• Россия

• Хитой

• Ҳиндистон

• Жанубий Корея

• Буюк Британия

• Франция

• Япония

• Туркия

• Италия

Марказий Осиё мамлакатлари орасидан эса Қозоғистон 57- (ўтган йили 58), Ўзбекистон 58-(65), Туркманистон 77-(83), Қирғизистон 105-(100), Тожикистон 108-(107) ўринни эгаллаган.

Эслатиб ўтамиз, ўтган йили октябрь ойида  “US News and World Report” нашри томонидан тузилган рейтингда Ўзбекистон армияси 19- ўринда қайд этилганди. Нашрнинг ёзишича, рейтингда қўшинларнинг кучи глобал сўров иштирокчиларининг фикрлари асосида баҳоланган. Ўзбекистонга қўшни давлатлардан фақат Қозоғистон рейтингга киритилиб, 22-ўринни эгаллаган.

Моҳимбегим Маъруфалиева