O‘zbekiston dunyo armiyalari reytingida 7 pog‘ona yuqoriladi

O‘zbekiston Qurolli kuchlari dunyo armiyalari reytingida 145 mamlakat ichida 58-o‘rinni egalladi. Bu haqda qurolli kuchlarning moliyaviy ta’minotidan tortib, logistika va geografik xususiyatlarigacha bo‘lgan 60 dan ortiq mezonlarni o‘rganadigan “Global Firepower“ veb-sayti xabar berdi.

Qayd etish joiz, O‘zbekiston bu natija bilan o‘tgan yilgi ko‘rsatgichdan 7 pog‘ona yuqoriladi.

Reytingdagi kuchli o‘nlikka quyidagi davlatlar kiradi:

• AQSH

• Rossiya

• Xitoy

• Hindiston

• Janubiy Koreya

• Buyuk Britaniya

• Fransiya

• Yaponiya

• Turkiya

• Italiya

Markaziy Osiyo mamlakatlari orasidan esa Qozog‘iston 57- (o‘tgan yili 58), O‘zbekiston 58-(65), Turkmaniston 77-(83), Qirg‘iziston 105-(100), Tojikiston 108-(107) o‘rinni egallagan.

Eslatib o‘tamiz, o‘tgan yili oktyabr oyida  “US News and World Report” nashri tomonidan tuzilgan reytingda O‘zbekiston armiyasi 19- o‘rinda qayd etilgandi. Nashrning yozishicha, reytingda qo‘shinlarning kuchi global so‘rov ishtirokchilarining fikrlari asosida baholangan. O‘zbekistonga qo‘shni davlatlardan faqat Qozog‘iston reytingga kiritilib, 22-o‘rinni egallagan.

Mohimbegim Ma’rufaliyeva