Ўзбекистон бу йил қанча олтин сотди?
Жамият
−
08:453136
Ўн ой ичида Ўзбекистоннинг ташқи савдо айланмаси 54,36 миллиард долларни ташкил этди. Бу ҳақда статистика агентлиги ҳисоботида маълум қилинди.
Қайд этилишича, ўтган йилнинг мос даврига нисбатан бу кўрсаткич 6,7 фоизга ошган. Бунга экспортнинг сезиларли ўсиши (22,42 млрд доллар, +9,6 фоиз), шунингдек, импортнинг ўсиши (31,92 млрд доллар, +4,7 фоиз) сабаб бўлган.
“Октябрь ойининг ўзида Ўзбекистон 833,4 миллион долларлик олтин сотди. Йил бошидан буён қимматбаҳо металл экспорти ҳажми 6,6 млрд доллардан ошди (йиллик кўрсаткичда 3,5 фоизга пасайиш)”, дейилади ҳисоботда.
Олтиндан ташқари, саноат моллари товар экспортининг асосий қисми бўлиб қолмоқда. Йил бошидан буён уларни етказиб беришдан тушган тушум 3,4 млрд долларга (+0,8 фоиз) етган.
Муҳаммад Ҳодиев
Live
Барчаси
