Украина портларнинг ёпилиши туфайли 6 млрд доллар йўқотди

Украинанинг Катта Одесса портлари фаолияти уч ойдан ортиқ вақт давомида тўхтаб қолгани сабабли валюта тушумидаги йўқотишлари қарийб 6 миллиард долларни ташкил этди. Бу ТАСС ҳисоб-китобларидан маълум бўлди.

Тижорат юк кемалари Одесса, Черноморск ва Южний портларини бойкот қилишда давом этмоқда, бу портларга фақат Украина Қуролли Кучлари билан боғлиқ кемалар кириб бормоқда. Денгиз савдоси Дунай дарёси портлари, Украинанинг Исмоил ва Руминиянинг Констанса портлари орқали амалга оширилмоқда. Улар биргаликда Катта Одесса портлари орқали амалга оширилган экспорт ҳажмининг кўпи билан учдан бир қисмини таъминлаши мумкин.

Натижада Украина сентябрь ойида экспорт қилиш режалаштирилган жами қишлоқ хўжалиги маҳсулотларининг атиги 44 фоизини экспорт қила олган. Сентябрь охирига келиб, металлургия маҳсулотлари экспорти бутунлай тўхтаган. Ушбу икки соҳа биргаликда Украина умумий экспортининг қарийб 65 фоизини таъминлаган ва йилига тахминан 26 миллиард доллар валюта тушумини келтирган.

Экспорт учун темирйўл тармоғи ва Дунай портларидан фойдаланиш ҳисобига Украина йўқотишларни қисман камайтиришга муваффақ бўлган, бироқ бу сезиларли бўлмаган. Август ойида кунига тахминан 70 миллион долларни ташкил этган йўқотишлар сентябрь–октябрь ойларида кунига қарийб 60 миллион долларгача камайган.

Катта Одесса портларининг фаолияти жорий йилнинг 22 июлидан бери тўхтаб қолган.

Эслатиб ўтамиз, аввалроқ Украинага тегишли бўлган кемaгa учта дрон ҳужум қилгани ҳақда хабар берилган эди.

Жасмина Муртазоева